ឈុតតំណាងជាតិ “មហាហង្សបាពួន” សម្រាប់ Miss Universe កម្ពុជា បង្ហាញខ្លួនហើយ ពិតជាស្រស់ស្អាតមែនទែន

កញ្ញា ប៊ី សុធារី ដែលជា Miss Universe តំណាងឲ្យប្រទេសកម្ពុជា ជាលើកដំបូង បានធ្វើឲ្យមហាជនកោតសរសើរចំពោះសម្រស់ និងភាពជឿជាក់របស់កញ្ញា ក្រោយពីបានទៅប្រកួត Miss Universe 2017 នៅឯសហរដ្ឋអាមេរិក។ ខណៈកញ្ញាកំពុងតែធ្វើការហ្វឹកហាត់ ដើម្បីត្រៀមប្រកួតនោះ មហាជនជាច្រើនក៏កំពុងតែទន្ទឹមរងចាំមើលឈុតតំណាងជាតិរបស់ប្រទេសកម្ពុជាយើងផងដែរថា តើឈុតនោះស្រស់ស្អាតយ៉ាងណា? ហើយបើស្លៀកលើបវរកញ្ញាកម្ពុជាយើង តើកាន់តែលេចធ្លោកម្រិតណា?

អ្វីដែលអ្នកទាំងអស់គ្នាទន្ទឹមរងចាំនោះបានមកដល់ហើយ ឈុតតំណាងជាតិកម្ពុជា ដែលនឹងយកទៅប្រកួតនៅលើឆាកអន្តរជាតិមានឈ្មោះ “មហាហង្សបាពួន”។ បើតាមការឲ្យដឹងពីហាង ប៉ារ៉ាឌី ដែលជាអ្នកកែច្នៃឈុតនេះបានឲ្យដឹងថា ពាក្យថា “មហាហង្ស” គឺជាឈ្មោះបក្សីមាស ដែលតំណាងឲ្យទ្រព្យសម្បត្តិមាស ពេជ្រ កែវកង​​ បុទម​ សូរិកាន​ ឬក៏លុយកាក់ ដែលមនុស្សគ្រប់គ្នាចង់បាន។ ចំណែកឯពាក្យ “បាពួន” វិញ ពាក្យ “បាពួន” វិញ គឺជាឈ្មោះប្រាសាទដ៏ល្បីឈ្មោះ ដែលត្រូវបានកសាងឡើងនៅសតវត្សទី១១ ស្រាប់ជាវិមានរបស់ស្តេច “ព្រះបាទឧទ័យទិត្យវរ្ម័នទី២”។ រីឯសំពត់វិញត្រូវបានរចនាឡើងតាមគំរូទេពអប្សរានៃប្រាសាទនេះ។ ប្រាសាទបាពួនត្រូវបានគេស្គាល់ជាដំបូងថាជាប្រាសាទ “ត្រីភូវនចូនាមណី” ដែលមានន័យថា គ្រប់គ្រងភពទាំងបីនៃពិភពលោក (ស្ថានសួគ៌, ផែនដី និងឋាននរក)។ ប្រាសាទនេះត្រូវបានកសាងក្នុងសតវត្សទី១១ ក្នុងរជ្ជកាលបើព្រះបាទទេពវរ័្មនទី២ ហើយកសាងឡើង ដើម្បីបីឧទ្ទិសថ្វាយដល់ព្រហ្មញ្ញសាសនា៕